حـيـيـت الـيـوم و أحـيـانـي

حييت اليوم و أحياني شحيح الوصل و المرسال
تذكرني بعد ما كان ناسيني و بذكره حيت الآمال

بعد ما مــاتت آمالي بوصــله واختفــت الأوصــال
ســقــانـي بــقــربه بعد مــا ذقــت مــر الــحــال

أخيرا افتكر فيني و أنا اللي قلت صعب و محال
حسبت انه بيظل ناسي و لا يتذكر غريمن مـال

غريمن طـاح في بـحـره وقلبه غــدى بـه غربال
بــعـد عـنـي و زلــزل خـافـقـي و هــد جــبــال

و لـكن حـبـه مــا تــغــيــر و بــخـافـقــي ما زال
ولو عني بعد سنين بيشوف حالي بنفس الحال

وفـيـن لـه و لـحـبـه و لـو عـنـي بـعـاده طــــال
حبيبي و أغلا من هالناس و أنـا كـلي لـه حـلال

حييت اليوم و أحياني شحيح الوصل و المرسال
و أنا والله حسيت إني في هذا اليوم سعيد الفال